“TASS” Pan Gi Munga xalqaro tashkilot haqida o‘zi ishlagan filmni taqdim etdi

BMTning shtab-kvartirasida 19-fevral kuni xalqaro tashkilot rahbari Pan Gi Munga sovg‘a tariqasida “Birlashgan Millatlar – 70 yil” nomli filmni topshirish marosimi bo‘lib o‘tdi. Bu haqda “TASS” xabar bermoqda .

Foto: “TASS”

“TASS”ning yozishicha, telefilm agentlik tomonidan Rossiya TIV, madaniyat vazirligi hamda “Rossiya 24” telekanali ko‘magida yaratilgan. Loyiha rahbari – “TASS”ning bosh direktori Sergey Mixaylov, film muallifi va boshlovchisi – Mixail Gusman, matn Rossiya xalq artisti Sergey Yurskiy tomonidan o‘qildi.
Hujjatli filmda BMTning tarixi va faoliyatiga chizgilar berilgan. Kartinadan ilgari jurnalistlarga ma’lum bo‘lmagan, BMTning maxsus xonalari, jumladan, Xavfsizlik Kengashi a’zolarining yopiq uchrashuvlari o‘tadigan zalda olingan videokadrlar o‘rin olgan.
Film mualliflari dunyoning BMT faoliyat yuritayotgan “qaynoq nuqta”larida, xususan, Kongo Demokratik Respublikasidagi BMT maxsus kontingenti bazasida bo‘lgan.
Filmga, shuningdek, Pan Gi Munning hamda Rossiyaning BMTdagi doimiy vakili Vitaliy Churkinning intervyulari kiritilgan.
Batafsil | Подробно | Read more... Daryo