AQShDa 18 mingdan ziyod kishi astronavtlar safiga qo‘shilish istagini bildirdi

Koinotga parvoz etishni istagan amerikaliklardan rekord miqdordagi talabnomalar olindi. Bu haqda NASA direktori Charlz Bolden ma’lum qildi, deya xabar beradi “TASS”.

Foto: NASA

“Astronavtlar otryadiga qabul qilinish istagidagi 18,2 mingdan ziyod kishidan talabnoma olindi. Bu oxirgi bor shunday tanlov o‘tkazilgan 2012-yilga nisbatan deyarli uch barobar ko‘p. Bu bejiz emas, chunki ulardan kimdir Marsga qadam bosgan ilk inson bo‘lishi mumkin”, — deya ta’kidlagan Bolden.
Talabnomalar qabul qilinishi o‘tgan yilning 14-dekabrida boshlandi va 18-fevral kuni yakuniga yetdi. Ularning barchasi sinchiklab o‘rganiladi va kelgusi yil o‘rtalarida maxsus komissiya astronavtlikka nomzod bo‘lishiga imkon beriladigan 8—14 kishining nomini e’lon qiladi.
Yangi otryadga uchuvchilar, muhandislar, olimlar va shifokorlarning qabul qilinish ehtimoli yuqori ekanligi bildirilgan.
Batafsil | Подробно | Read more... Daryo