Kreml BMT Xavfsizlik kengashi Rossiyaning Suriya bo‘yicha rezolyutsiyasini ma’qullamaganidan afsus bildirdi

Kreml BMT Xavfsizlik kengashi Rossiyaning Suriya bo‘yicha rezolyutsiyasini ma’qullamaganidan afsus bildiradi. Bu haqda Rossiya prezidentining matbuot kotibi Dmitriy Peskov ma’lum qildi, deya xabar beradi “RBK”.

Foto: “163gorod.ru”

“Mazkur rezolyutsiya loyihasi qo‘llab-quvvatlanmaganidan faqat afsus bildirish mumkin. Shunday bo‘lsa-da, Rossiya Suriyada barqarorlik, hudud yaxlitligini ta’minlash, terrorizmga qarshi kurashga qaratilgan izchil, ochiq-oydin va tushunarli siyosatni amalga oshirishda davom etadi”,—deya ta’kidlagan Peskov.
Rossiya BMT Xavfsizlik kengashiga Suriya suvereniteti va hududiy yaxlitligini buzuvchi harakatlarni to‘xtatish talab etilgan rezolyutsiya loyihasini taqdim etgan, biroq olti mamlakat, jumladan, taqiq huquqiga ega bo‘lgan Fransiya va AQSh hujjatni ma’qullamagandi .
Batafsil | Подробно | Read more... Daryo