Fijida sodir bo‘lgan tropik siklon oqibatida kamida bir kishi halok bo‘ldi

Tinch okeanidagi Fiji davlatida sodir bo‘lgan halokatli tropik siklon oqibatida kamida bir kishi halok bo‘ldi. Bu haqda “TASS” xabar qilmoqda .

Foto: TheGuardian

Fiji poytaxti Suva shahrida joylashgan Qizil Xoch Xalqaro qo‘mitasining ma’lum qilishicha, keng ko‘lamli halokat tufayli, qancha odam zarar ko‘rib, nechta uy-joy vayron bo‘lganligi hozircha noma’lum.
Winston deb nomlangan dovulning markazi Viti-Levu orolining shimoliy hududiga to‘g‘ri kelgan. Mamlakat aholisining 70 foizi istiqomat qilib keladigan bu orolda Suva shahri hamda Nadi xalqaro aeroporti joylashgan.
Meteorologlarning ta’kidlashicha, siklon beshinchi ― eng yuqori toifaga mansub ekanligi aniqlanib, uning markazida shamolning tezligi soatiga 230 kilometrgacha, shiddati esa ― 325 kilometrgacha yetib, sohildagi okean to‘lqinlarining balandligi 12 metrgacha ko‘tarilgan.
Eslatib o‘tamiz, oldinroq Fijida 5,8 magnitudali zilzila sodir bo‘lgani xabar qilingandi .
Batafsil | Подробно | Read more... Daryo