Nigerda prezidentlik va parlament saylovlari bo‘lib o‘tmoqda

Dunyodagi eng kambag‘al davlatlardan biri bo‘lgan Nigerda prezidentlik va parlament saylovlari bo‘lib o‘tmoqda. “TASS” agentligining Mustaqil saylov komissiyasiga tayanib ma’lumot berishicha , mamlakatning 7,5 million fuqarosi ovoz berish huquqiga ega.

Foto: EPA

Prezidentlikka nomzodlar orasida (jami 15 kishi) amaldagi davlat rahbari, 63 yoshli Maxamadu Issufu ham bor. Uning eng nufuzli raqiblari – “Rivojlangan jamiyat uchun milliy harakat – Nassara” partiyasi raisi Seyni Umaru, “Afrika federatsiyasi uchun Niger demokratik harakati – Lumana Afrika” partiyasi yetakchisi Xama Amadu, mamlakatning demokratik yo‘l bilan saylangan birinchi prezidenti Maxaman Usman, “Demokratiya va respublika uchun ittifoq – Tabbat” partiyasi raisi Amadu Bubakar Sisse bor.
Bundan tashqari, Nigerning bir palatali parlamenti – 113 o‘rinli Milliy kengashga ham saylovlar bo‘lib o‘tadi.
Mustaqil saylov komissiyasi raisi Ibrahim Bubening xabar qilishicha, natijalar ovoz berishdan besh kun o‘tib e’lon qilinadi.
Batafsil | Подробно | Read more... Daryo