IShIDning 50 dan ortiq jangarisi Aleppo yaqinida yo‘q qilindi

IShIDning kamida 50 nafar jangarisi Suriya hukumati kuchlarining Aleppo provinsiyasining sharqiy qismiga hujumi natijasida o‘ldirildi. Bu haqda AFP agentligiga tayanib, “Vedomosti” xabar qilmoqda .

Foto: AFP

Terrorchilar Suriya Arab Respublikasi prezidentiga sodiq harbiylar bilan to‘qnashuvlar vaqtida ham, Rossiya havo-kosmik kuchlarining bombardimonlari natijasida ham yo‘q qilindi.
“Armiya Aleppodan Rakkaga olib boradigan shosse janubidagi 16 ta aholi punktida IShID jangarilarini qurshab oldi. Bashar Asad rejimi qo‘shinlari Aleppo provinsiyasining sharqiy va janubi-sharqiy qismidagi pozitsiyasini mustahkamlash uchun bu qishloqlarni egallab olishni istamoqda”, — dedi “Inson huquqlari bo‘yicha Suriya observatoriyasi” vakili.
Oldinroq Eronning Fars agentligi Suriya armiyasining Aleppo provinsiyasi sharqiga hujumi natijasida 800 dan ziyod IShID jangarisi qamalda qolganini xabar qilgandi.
Batafsil | Подробно | Read more... Daryo