Bahrayn o‘z fuqarolarining Eron bilan aloqalari yuzasidan nazorat choralarini keskinlashtirdi

Bahrayn hukumati ba’zi fuqarolarining Eron bilan aloqalari yuzasidan nazorat va siyosatni keskinlashtirish bo‘yicha bir qator choralarni qabul qilishga qaror qildi. Bu haqda qirollik IIV rahbari bayonotiga tayanib, “TASS” xabar beradi .

Foto: “RIA Novosti”

“Ma’lumotlarning to‘la hajmi, ashyoviy dalillar va o‘tkazilgan tahlillar matbuotda mavjud ma’lumotlardan ancha ko‘p. Bularning barchasi Eronning Bahrayn ichki ishlariga aralashuvi tahdidi haqida batafsil huquqiy hisobotni tashkil etadi”, — dedi boshqarma rahbari Rashid bin Abdulloh Al Xalifa.
Vazir aniq choralar sifatida milliy xavfsizlikni ta’minlash va terrorizmni moliyalashtirishga qarshi kurashish doirasida jismoniy va yuridik shaxslar tomonidan amalga oshiriladigan xayriyalarni nazorat qilish bo‘yicha qo‘mitani tashkil etishni aytib o‘tdi. 14 yoshdan 18 yoshgacha bo‘lgan fuqarolarning boshqa mamlakatlarga chiqishini cheklash shular jumlasidandir.
Batafsil | Подробно | Read more... Daryo