Turkiya TIV ayni paytda Suriyada quruqlikdagi operatsiya imkoniyati istisno qildi

Turkiya va Saudiya Arabistonining quruqlikdagi operatsiyasi ayni paytda kun tartibida emas. Bu haqda 22-fevral, dushanba kuni Turkiya tashqi ishlar vaziri Mavlud Chavusho‘g‘li ma’lum qildi, deb yozadi “Vedomosti”.

Foto: “RIA Novosti”

Uning so‘zlariga ko‘ra, Suriyaga nisbatan bunday harakatlar uchun AQSh rahbarligida IShID terrorchilik guruhiga qarshi kurashayotgan koalitsiyaning barcha a’zolarini jalb qilish zarur.
Shuningdek, Chavusho‘g‘li Suriyada o‘t ochishni to‘xtatishga erishish yo‘lidagi eng katta to‘siq Rossiya Harbiy-kosmik kuchlari tomonidan berilayotgan aviazarbalar ekanligini ta’kidladi. Uning qayd etishicha, Suriya muxolifati vakillari 23-fevral, seshanba kuni Saudiya Arabistoni poytaxti Ar-Riyodda uchrashib, o‘t ochishni to‘xtatish ehtimolini muhokama qiladi.
Batafsil | Подробно | Read more... Daryo