Toshkent shahri va viloyatida vaqtinchalik propiska ochilgani ma’lum qilindi

“Tafsilot.uz” sayti Yagona portal orqali O‘zbekiston Respublikasi Ichki ishlar vaziriga xat yo‘llab, unga Toshkent shahri va viloyatida fuqarolarni vaqtinchalik hisobga olish qachondan ochilishi bo‘yicha savol bilan murojaat qildi. Murojaatga Ichki ishlar vazirligining Xorijga chiqish, kelish va fuqarolikni rasmiylashtirish boshqarmasi boshlig‘i Badridin Shorixsiyev imzosi bilan javob olindi. “Tafsilot.uz” saytida xatning elektron nusxasi e’lon qilindi .

Foto: “Tafsilot.uz”

Javob xatida ta’kidlanishicha, Ichki ishlar vazirligining “Fuqaroni Toshkent shahrida va Toshkent viloyatida turgan joyi bo‘yicha hisobga olish” tartibi to‘g‘risidagi me’yoriy hujjatlarga qo‘shimcha o‘zgartirish kiritilishi munosabati bilan 2015-yilning 25-oktabr kunidan buyon fuqarolarni turgan joyi bo‘yicha vaqtincha ro‘yxatga olish bir muddatga to‘xtatilgan. Biroq bugungi kunga kelib vaqtinchalik hisobga olish yana ochilgan.
“Bugungi kunda, fuqaroni Toshkent shahrida va Toshkent viloyatida turgan joyi bo‘yicha hisobga olish fuqaroni yashash joyidan propiskadan chiqarmasdan besh kundan olti oygacha muddatga (o‘qish uchun ta’lim muassasasiga kelgan shaxslar uchun – o‘qish davriga) shahar, tuman IIB XChKvaFRB xodimlari tomonidan amalga oshirilmoqda”, – deyiladi xatda.
Batafsil | Подробно | Read more... Daryo