Nigeriya harbiy-dengiz kuchlari Panama neft tankerini qaroqchilardan ozod qildi

Nigeriya harbiy-dengiz kuchlari Panama bayrog‘i ostida harakatlangan neft tankerini qaroqchilardan ozod qildi. Tanker BAA kompaniyasiga tegishli bo‘lib, Janubiy Koreya kemachilik kompaniyasiga ijaraga berilgan bo‘lgan, deb xabar beradi “RIA Novosti”.

Foto: AP Photo

Qutqaruv operatsiyasi davomida bir nafar qaroqchi yo‘q qilingan. Ma’lum qilinishicha, tanker 22-fevral, dushanba kuni Lagos ko‘rfaziga yetkazilgan. Uning bortida to‘rt nafar o‘g‘ri, shuningdek, Pokiston, Hindiston, Xitoy, Janubiy Koreya, Sudan va ganalik 18 kishidan iborat jamoa bo‘lgan.
Harbiy-dengiz kuchlari vakilining ma’lum qilishicha, ekipajning ikki nafar a’zosi ikki o‘g‘irlab ketuvchi tomonidan garovga olingan. Ular qaroqchi kemasida yashiringan.
Tanker 4700 tonna dizel yoqilg‘isini olib ketayotgan bo‘lgan. U 11-fevral kuni Kot-d’Ivuar sohilida o‘g‘irlab ketilgan edi.
Batafsil | Подробно | Read more... Daryo