Samarqand, Termiz va Nukusda havo haroratining iliqligi bo‘yicha 1963-yilgi rekordlar yangilandi

25-fevral kuni havo harorati Samarqand shahrida +25,7 darajagacha, Termizda +27,5 darajagacha, Nukusda esa +26,4 darajagacha ko‘tarildi, deya xabar bermoqda “ O‘zgidromet ”. Bu meteorologik kuzatuvlarning 25-fevral tarixi bo‘yicha uchala shaharda qayd etilgan yangi rekordlardir.

Foto: Facebook / Aleksey Tudakov (arxiv fotosi)

Samarqand, Termiz va Nukusda havo haroratining iliqligi bo‘yicha 25-fevral tarixidagi avvalgi rekordlar 1963-yilda o‘rnatilgan edi. O‘shanda Samarqand shahrida havo harorati +24,6 darajagacha, Termizda +26,9 darajagacha, Nukusda esa +20,2 darajagacha ko‘tarilgan.

Skrinshot: “O‘zgidromet”


Skrinshot: “O‘zgidromet”


Skrinshot: “O‘zgidromet”

2015—2016-yilgi qish mavsumi, ayniqsa, yanvar va fevral oylari O‘zbekistonda odatdagidan iliq keldi. Toshkent , Samarqand , Termiz va Nukus shaharlarida yanvar va fevral oylarining alohida kunlarida bungacha ham bir necha bor havo haroratining iliqligi bo‘yicha yangi rekordlar o‘rnatilgandi.
Xususan, 22-fevral kuni Toshkentda havo haroratining iliqligi bo‘yicha 121 yillik rekord yangilangan edi .
Batafsil | Подробно | Read more... Daryo