Marokashda teraktlar uyushtirishni rejalashtirgan jangarilarda biologik qurol topilgani ma’lum bo‘ldi

Marokashda turkum yirik teraktlar amalga oshirishni rejalashtirgan va maxsus xizmatlar tomonidan qo‘lga olingan terrorchilarda biologik qurol topilgan. Bu haqda mamlakat sud tekshiruvlari markaziy byurosi direktori Abdulhaq Xiyom ma’lum qildi, deya xabar beradi “TASS”.

Foto: Flickr

“Hibsga olingan terrorchilardan ko‘plab qurollar, jumladan, biologik qurol musodara etildi. Ular orasida Fransiya fuqarosi ham bor. Birinchi marta voyaga yetmagan o‘smirni qo‘lga oldik, u parlamentni portlatishi lozim bo‘lgan”, — deya ta’kidlagan Abdulhaq Xiyom.
Eslatib o‘tamiz, oldinroq Marokash maxsus xizmatlari terrorchi guruhning 10 nafar a’zosini qo‘lga olgani va ular tomonidan mamlakatda 19-fevral kuni amalga oshirilishi rejalashtirilgan teraktga chek qo‘ygani haqida xabar berilgandi .
Batafsil | Подробно | Read more... Daryo