Apple bosh huquqiy maslahatchisi Telegram’ni mutlaqo buzib bo‘lmaydigan va zararli deb atadi

1-mart kuni AQSh Federal qidiruv byurosi direktori Jeyms Komi va Apple bosh huquqiy maslahatchisi Bryus Syuell san-bernardinolik merganning iPhone’idagi ma’lumotlarni rasshifrovka qilish haqidagi ish bo‘yicha tinglashlar doirasida Kongress a’zolari qarshisida nutq so‘zladi, deya xabar bermoqda TJournal.

Bryus Syuell. Foto: TJournal

Kongress raisi ta’kidlashicha, Apple oxir-oqibat terrorchining smartfonidagi parolni aniqlashni yengillashtirish uchun maxsus proshivka chiqaradigan bo‘lsa, FQB parol yoki shifrlash algoritmlari orqali bloklanadigan boshqa dasturlarga ham duch kelishi mumkin. Biroq FQB ushbu ma’lumotlarni qo‘lga kirita olmaydi, agar servislarga egalik qiluvchi kompaniyalarning o‘zlari ularni taqdim etmasa.
Syuell raisning dalillariga qo‘shildi va bunday dasturlardan biri Telegram ekanligini aytdi, biroq u yanglishib, uni bir necha marta Telegraph deb atadi.
“Terrorchilar tomonidan foydalaniladigan eng zararli dasturlardan biri bu Telegraph deb ataladigan narsadir. Telegraph har qanday telefonda mavjud bo‘lishi mumkin, u Apple bilan umuman bog‘liq emas, uni AQShdan tashqarida ham internet orqali yuklab olish mumkin. Va bu mutlaqo buzib kirib bo‘lmaydigan kommunikatsiya usulidir.
Agar Apple’ni o‘nlab yoki yuzlab million begunoh kishilarga tegishli smartfonlar xavfsizligini pasaytirish uchun yangi operatsion tizim yaratishga majbur qilishsa, bu bizning xavfsizligimizga zarba beradi, ammo terrorchilarga ta’sir qilmaydi”, — dedi Apple bosh huquqiy maslahatchisi.
Batafsil | Подробно | Read more... Daryo