Turkiyada Erdo‘g‘on lavozimini egallagandan beri uni haqoratlash aybi bilan 1845 ta ish ochilgan

Turkiyada Rajab Toyyib Erdo‘g‘on 2014-yili prezidentlik vazifasini bajarishga kirishganidan beri uning shaxsini haqorat qilish ayblovi bilan 1845 ta ish ochilgan. Bu haqda mamlakat adliya vaziri Bakir Bo‘zdog‘ parlamentdagi chiqishi chog‘ida ma’lum qilgan, deya xabar beradi “TASS”.

Foto: AP

Turkiya jinoyat kodeksining 299-moddasida bunday huquqbuzarlik uchun bir yildan to‘rt yilgacha bo‘lgan qamoq jazosi ko‘zda tutilgan. Muxolifat Erdo‘g‘onni ilgari kamdan-kam hollarda foydalanilgan mazkur moddadan uning siyosatiga qarshi bo‘lganlarni sukut saqlashga majbur etish uchun faol foydalanishda ayblamoqda.
Erdo‘g‘onning raqiblari davlat rahbari keskin tanqidni ham o‘z sha’niga nisbatan haqorat sifatida qabul qilishini bildirgan.
Shu tariqa, mamlakatda taniqli bo‘lgan shaxslar, jurnalistlar, hatto maktab o‘quvchilari ham javobgarlikka tortilgan.
Eslatib o‘tamiz, oldinroq Tekirdog‘ viloyatida yashovchi 17 yoshli o‘smir prezidentni Facebook orqali haqorat qilgani uchun hibsga olingani haqida xabar berilgandi .
Batafsil | Подробно | Read more... Daryo