Mozambik qirg‘og‘ida Boeing 777 samolyoti bo‘lagi topildi

Mozambik qirg‘og‘ida Boeing 777 yo‘lovchi samolyotining bo‘lagi topildi. CNN telekanaliga asoslanib Meduza’ning yozishicha , bo‘lak Malaysia Airlines kompaniyasining 2014-yil martida sirli ravishda g‘oyib bo‘lgan samolyoti qoldig‘i bo‘lishi mumkinligi taxmin qilinmoqda.

Foto: CNN

Topilgan bo‘lak samolyot stabilizatoriga oiddir. Topilma tekshirish uchun Malayziyaga yuborildi.
Bo‘lakning yo‘qolgan samolyotga tegishli ekani hozircha tasdiqlangani yo‘q. Malaysia Airlines va Boeing kompaniyalari mazkur axborot yuzasidan izoh berishdan bosh tortgan.
Eslatib o‘tamiz, bir muddat ilgari Fransiyaning Hind okeanidagi Reyunyon orolidan samolyot qanotining parchasi topilgan  va mutaxassislar u Boeing 777 samolyotiga tegishli ekanligiga  ishonch bildirgan edi .
Batafsil | Подробно | Read more... Daryo