Yevroittifoq Turkiyani ommaviy axborot vositalarini hurmat qilishga chaqirdi

Yevropa ittifoqi Turkiyada Feza Media Group bilan bog‘liq hodisalarni, shu jumladan, Zaman gazetasini va politsiyaning nashrga nisbatan munosabatini diqqat bilan kuzatmoqda. Bunday bayonot bilan Yevropa tashqi siyosiy xizmati (YeTX) rasmiy vakili chiqish qildi, deb yozadi “Vedomosti”.

Foto: “News.rambler.ru”

“Yevroittifoqqa a’zo bo‘lish uchun nomzod mamlakat sifatida Turkiya yuqori demokratik standartlarni, shu jumladan, ommaviy axborot vositalari erkinligini hurmat qilishi kerakligi haqida YeI ko‘p marta aytib o‘tgan”, — deyiladi YeTX Bryusselda tarqatgan kommyunikeda.
Hujjatda ta’kidlanishicha, har qanday mamlakat, ayniqsa, Yevroittifoqqa qo‘shilish haqida muzokaralar olib borayotgan davlat asosiy huquqlarni, jumladan, fikr bildirish erkinligini, shuningdek, Inson huquqlari bo‘yicha Yevropa konvensiyasi yuridik me’yorlariga muvofiqlikni kafolatlashi kerak.
Nashr eslatishicha, 4-mart kuni Turkiya hukumati rasmiy axborotdan farqli bo‘lgan fikrlarni chop etgan Feza Media Group xoldingi va Zaman gazetasiga nisbatan bosim qo‘lladi. Xoldingga nisbatan tashqi boshqaruv joriy qilindi. Politsiya xolding bosh qarorgohini tintuv qildi. Istanbulda hukumat xatti-harakatlariga qarshi boshlangan norozilik aksiyasi politsiya tomonidan shafqatsizlik bilan bostirildi, namoyishchilarga qarshi ko‘zni yoshlantiruvchi gaz qo‘llanildi.
Batafsil | Подробно | Read more... Daryo