Malayziya qirg‘oqlari yaqinida cho‘kib ketgan qayiq qurbonlari soni 61 kishiga yetdi

Malayziya qirg‘oqlari yaqinida cho‘kib ketgan muhojirlar to‘la qayiq qurbonlari soni 61 kishiga yetdi. Bu haqda “RIA Novosti” xabar bermoqda .

Foto: RIA Novosti

Bortida 80 ga yaqin muhojir bo‘lgan yog‘och qayiq Malakka bo‘g‘ozining Sabak Bernam shahriga yaqin qismida cho‘kib ketgan. Politsiya taxminiga ko‘ra, qayiqdagi muhojirlar Malayziyadagi bo‘g‘oz orqali Indoneziyaga yetib olish niyatida bo‘lgan.
Mahalliy politsiya ma’lumotiga ko‘ra, hozirgacha 12 kishining shaxsi aniqlangan, ular orasida bir bola ham bor. 7-sentabr, dushanba kuni tongdan qidiruv-qutqaruv operatsiyasi qayta boshlangan.
Avvalroq, qayiq halokatidan omon qolgan 20 kishi indoneziyalik noqonuniy muhojirlar ekani haqida xabar berilgan edi. Politsiya ularni qo‘lga olgan va tergov olib bormoqda.
Batafsil | Подробно | Read more... Daryo