OAV: Hillari Klinton shaxsiy pochtasidan maxfiy axborotga ega 104 ta xat jo‘natgan

AQSh sobiq birinchi xonimi Hillari Klinton davlat kotibi lavozimini egallab turgan vaqtida (2009—2013-yillar) shaxsiy pochtasidan maxfiy ma’lumotlarga ega 104 ta xat jo‘natgan, deya xabar bermoqda “TASS” The Washington Post’ga tayanib.

Foto: EPA

Nashr davlat departamenti tomonidan e’lon qilingan, siyosatchining o‘z hamkasblari va xodimlari bilan olib borgan elektron yozishmalarining barchasini — 52 mingta sahifani tahlil qilib chiqdi.
Maxfiy axborotga ega xatlar sirasiga The Washington Post sobiq davlat kotibining retushlangan so‘zlar, butun boshli ibora va abzatslardan iborat xatlarini kiritdi. Shaxsiy yozishmalar ichida jami 1789 ta bunday xat topildi. Ularning 104 tasi siyosatchiga, qolgan 1685 tasi uning 298 nafar hamsuhbatiga tegishli. Bunday holatlarning ko‘pchiligida uning yordamchilari yoki boshqa rasmiy shaxslar maxfiy ma’lumotlar bilan bog‘liq mavzuni ochgan. Biroq, gazeta ta’kidlashicha, ba’zan Klintonning o‘zi ham bu haqda gap boshlagan.
Avvalroq Hillari Klinton shaxsiy pochta manzili orqali maxfiy ma’lumotlar jo‘natganligi yuzasidan unga qo‘yilayotgan ayblovlarni rad etgan edi .
Batafsil | Подробно | Read more... Daryo