Afg‘oniston rasmiylari “Tolibon” bilan muzokaralar ortga surilganini tan oldi

Afg‘oniston hukumati va “Tolibon” radikal harakati vakillari o‘rtasidagi tinchlik muzokaralari ortga surildi. Bu haqda Afg‘oniston ijroiya hokimiyati matbuot kotibi Jovid Feysal bayonot berdi, deb ma’lum qiladi “Interfaks”.

Foto: “Afganistan Segodnya”

Uning so‘zlariga qaraganda, to‘rt tomonlama (AQSh, Xitoy, Pokiston va Afg‘oniston) muvofiqlashtiruvchi guruh (QCG) a’zolari hukumat va “Tolibon” o‘rtasida to‘g‘ridan-to‘g‘ri muzokaralar tashkil etish bilan shug‘ullanmoqda.
Eslatib o‘tamiz, mazkur hafta boshida Pokiston poytaxti Islomobodda o‘tkazilishi mo‘ljallangan Afg‘oniston hukumati va “Tolibon” harakati vakillari o‘rtasidagi birinchi to‘g‘ridan-to‘g‘ri muzokaralar mart oyining oxiriga ko‘chirilgani ma’lum qilingan edi . Bir muddat ilgari “Tolibon” vakillari, chet el qo‘shinlari ularning pozitsiyalariga hujum qilishni to‘xtatmas va Afg‘onistonni tark etmas ekan, tinchlik muzokaralarida ishtirok etmasliklari haqida bayonot berdi .
Batafsil | Подробно | Read more... Daryo