“Biri: ‘Qizil chiroqqa o‘tdingiz’, deb chalg‘itayotganida, ikkinchisi kelib, gul sovg‘a qildi”. Ruldagi ayollarni tabriklayotgan Toshkent militsionerlari

8-mart — Xalqaro xotin-qizlar kunida Facebook’dagi o‘zbekistonlik haydovchilarning eng katta hamjamiyatlari — “ Voditeli Tashkenta ” hamda “ Voditeli Tashkenta (Drivers.uz) ” guruhlari yo‘l nazoratchilaridan xursand ayol haydovchilarning xabarlari bilan to‘ldi.

Foto: Facebook / “Voditeli Tashkenta (Drivers.uz)”

Ma’lum bo‘lishicha, bayram munosabati bilan, Yo‘l harakati xavfsizligi xizmati xodimlari ayol haydovchilarni to‘xtatib, ularni bayram bilan tabriklamoqda va gullar sovg‘a qilmoqda. Foydalanuvchilarning yozishicha , ba’zi chorrahalarda yo‘l nazoratchilari faqat ayol haydovchilarni to‘xtatish maqsadida turibdi.

Foto: Facebook / “Voditeli Tashkenta (Drivers.uz)”

“Birinchi marta yo‘l nazoratchisining to‘xtatishi yoqimli hissiyot ulashdi. ‘Oybek’ metro bekati yaqinidagi chorrahada ikki yo‘l nazoratchisi turibdi, ular bayram bilan tabriklash uchun mashinalarni to‘xtatyapti. Yoqimli aksiya uchun rahmat”, — deb yozadi bayram sovg‘asi (gul)ni qo‘lga kiritgan ayol haydovchilardan biri.

Foto: Facebook / “Voditeli Tashkenta”

“Qanday kutilmagan va yoqimli sovg‘a! Men hujjatlarni tutqazmoqchi bo‘lsam, yo‘l nazoratchisi meni bayram bilan tabriklab turibdi”, — deb yozadi xursandchiligi bilan bo‘lishadi boshqa bir ayol. “Bugun ular haqiqatan ham yoqimli tarzda hayron qoldirishyapti”, — deb qo‘shimcha qiladi yana bir ayol haydovchi.

Foto: Facebook / “Voditeli Tashkenta (Drivers.uz)”

Yo‘l nazoratchilarining bunday iliq va tantanavor munosabatini yuqori baholagan ba’zi ayol haydovchilar hazil aralash fikrlar ham qoldirgan. Jumladan : “Qizlarjon, ular hammayoqda shekilli! Men har doimgidek hujjatlarni qidirishga tushsam, ular iliq so‘zlar aytib, gul uzatib turishibdi! Aftidan, bugun Yo‘l harakati qoidalarini biroz buzsak ham bo‘ladi-yov!”.

Foto: Facebook / “Voditeli Tashkenta”

Fikr bildiruvchilardan biri yo‘l nazoratchilari ayol haydovchilarni tabriklash uchun obrazga kirib, rol ham o‘ynayotganini mamnuniyat bilan qayd etgan : “Biri meni qizilda o‘tganlikda ayblab, chalg‘itib turgan edi, ikkinchisi kulib, gul taqdim etdi. Kichik sovg‘a-yu, lekin qanday yoqimli!”.

Foto: Facebook / “Voditeli Tashkenta (Drivers.uz)”

Ma’lumot uchun, Toshkentda Yo‘l harakati xavfsizligi xizmati xodimlari 2014 va 2015-yilgi 8-mart bayramlarida ham xuddi shunday aksiyalar o‘tkazgan.
Batafsil | Подробно | Read more... Daryo