Fotogalereya: Qozoq millioneri qanday yashaydi?

“To‘g‘risini aytsam, millionerlar shunday yashashi mumkin, deb hech o‘ylamagandim. Aksincha, shunday sharoitlarda yashayotganlar millionerga aylanishi mumkinligini ham xayolimga keltirmagandim. Oddiy emas, dollardagi millioner!”, — deya bloger Sergey Anashkevichning so‘zlaridan iqtibos keltiradi TravelAsk.

Foto: TravelAsk

Damir — qozog‘istonlik podachilardan. U, hech bir hazil-mutoyibasiz, haqiqiy millioner. Ha, uning turar-joyiga qarab, millioner deb taxmin qilish qiyin.

Foto: TravelAsk

Uyini uy ham deb bo‘lmaydi asli.

Foto: TravelAsk

Damir juda mehmondo‘st, lekin vaqti juda kam — tez orada tog‘ yon-bag‘ridagi podalaridan xabar olgani borishi kerak.

Foto: TravelAsk

“Atigi 4,5 ming bosh qo‘yim, 400 ta sigirim, yana ikki yuzta otim bor”, — deydi Damir. Albatta, chorvachilikdan xabari yo‘q oddiy bloger buning qancha pul bo‘lishini bilmaydi.

Foto: TravelAsk

Lekin uning qozog‘istonlik hamrohlari bu boradagi hisob-kitobni o‘rniga qo‘yadi: “Go‘shtga boqilgan otning narxi 1000 dollardan boshlanadi, sigir esa 500—800 dollar, qo‘y — 100 dollar. Bu narx — jonivorlar tiriklayin va ulgurji sotilsa. Agar go‘sht qilib sotsa, 200 dollardan arzonga qo‘y topolmaysan. Hisoblayver, kamida million chiqadi”.

Foto: TravelAsk

Bunga ishonish qiyin, lekin Qozog‘istonda katta podalarning egalari haqiqatan ham millioner hisoblanadi.

Foto: TravelAsk

Qo‘chqorlar — Damirning ixtiyoridagi eng qadrli jonivorlardir.

Foto: TravelAsk

Qo‘chqorlarning boshqa bir nomi — ishlab chiqaruvchi qo‘ylar. Qishda ularni qo‘ylar podasiga qo‘yib yuborsang, bitta qo‘chqorning o‘zi bahorgacha 25—30 qo‘yni urug‘lantirib chiqadi.

Foto: TravelAsk

Uy-joy qulayliklarining bari tashqarida joylashgan.

Foto: TravelAsk

Somon aralash tappi — g‘aroyib bioyonilg‘i: uyni ham isitadi, ovqatga olov ham bo‘ladi.

Foto: TravelAsk

“Damirning uyidan bir necha kilometrga uzoqlashganimizdan so‘ng, dashtda qo‘ylar podasini ko‘rdik. Kim bilsin, balki aynan shular mehmondo‘st qozoq cho‘ponining jonli pullaridir”, — deb xulosa qiladi bloger.

Foto: TravelAsk


Batafsil | Подробно | Read more... Daryo