Samsung Galaxy S7’da e’lon qilinmagan funksiyani aniqlashdi

Ekspertlar Samsung’ning yangi flagman smartfonlarida e’lon qilinmagan funksiyani aniqladi, deya xabar bermoqda “Hi-tech.mail.ru”. Galaxy S7 va S7 edge Wi-Fi simsiz tarmog‘iga mustaqil ravishda ulanib, repiter sifatida boshqa qurilmalar uchun simsiz aloqani ta’minlay oladi.

Foto: The Verge

Funksiya sozlamalar menyusidagi “Aloqaning mobil nuqtasi va tuguni” bandida ishga tushiriladi.
Modem rejimida smartfon, masalan, axborot uzatish rejimi (EDGE, 3G, 4G va hokazo)dan foydalanib, internetga ulanadi. So‘ng u modem rolini bajargan holda boshqa qurilmalar uchun internet aloqasini tashkil qiladi (USB orqali ulanganida simli, Wi-Fi yoki Bluetooth orqali esa — simsiz).
Samsung Galaxy S7 va S7 edge modem rejimida ham ishlay oladi, “Wi-Fi orqali Wi-Fi tarqata” ham oladi. Bunda ular ma’lumotlarni, masalan, internetga ulangan marshrutizator yoki aloqa nuqtasidan oladi, so‘ng Wi-Fi orqali tarqatadi.
E’lon qilinmagan ushbu funksiya Wi-Fi-marshrutizatordan chiqayotgan signal kuchsiz bo‘lgan holatlarda dolzarbdir. Smartfonlar, repiter rolini bajarar ekan, uni kuchaytiradi va tarmoq qamrovini kengaytiradi.
Batafsil | Подробно | Read more... Daryo