Forbes Trampni eng ko‘p maosh oluvchi teleboshlovchilar ro‘yxatiga kiritdi

Amerikaning Forbes jurnali AQSh prezidentligiga nomzodini ilgari surgan milliarder Donald Trampni barcha davrlarning eng ko‘p maosh olgan teleboshlovchilari ro‘yxatiga kiritdi, deb yozadi “RBK”.

Foto: Getty Images

Tramp reytingga The Apprentice va The Celebrity Apprentice realiti-shoulari boshlovchisi sifatida kiritildi. Forbes ma’lumotlariga ko‘ra, 2009- va 2010-yillarda milliarderning teleshouda ishlab olgan daromadi tegishli ravishda 54 million va 50 million dollarni, 2012- va 2013-yillarda esa 62 million va 63 million dollarni tashkil etgan. Ro‘yxatda Tramp yettinchi o‘rinni egalladi.
Reytingda Opra Uinfri yetakchilik qildi, u o‘z shousi orqasidan 2015-yilda 86 million dollar ishlab olgan. Ikkinchi o‘rinni America’s Got Talent shousi boshlovchisi Govard Stern, uchinchi o‘rinni esa Dr. Phil dasturi boshlovchisi Fil Makgrou egalladi.
Batafsil | Подробно | Read more... Daryo