CNN IShIDning chechenistonlik qo‘mondoni o‘limidan xabar topdi

IShID yetakchilaridan biri chechenistonlik dala qo‘mondoni Abu Umar ash-Shishaniy aviazarba natijasida olgan jarohatlari tufayli vafot etdi. Bu haqda AQSh hukumatidagi manbalariga tayanib, CNN xabar berdi, deb yozadi Meduza.

Foto: AP

Ash-Shishaniy yaralanishiga sababchi bo‘lgan xalqaro koalitsiya operatsiyasi rejalashtirilmagan edi va razvedka xizmatlarining terrorchi Suriyadagi tumanlardan birida IShIDning boshqa rahbarlari bilan uchrashuv o‘tkazayotgani haqidagi ma’lumotlaridan so‘ng o‘tkazilgan edi.
Bombardimonlar koalitsiya samolyoti va bir nechta uchuvchisiz uchar qurilmalar tomonidan amalga oshirildi. Aviazarbalar natijasida IShIDning yana 12 jangarisi halok bo‘ldi.
Eslatib o‘tamiz, avvalroq Pentagon matbuot kotibi Piter Kuk IShID terrorchilik tashkiloti boshliqlaridan biri Abu Umar ash-Shishaniy 4-mart kuni Suriyadagi Shaddadi shahri tashqarisi AQSh tomonidan aviahujumga uchrashi natijasida yo‘q qilinganini ma’lum qilgan edi .
Keyinroq Londondagi Inson huquqlariga rioya qilish bo‘yicha Suriya markazi rahbari ash-Shishaniyning tirik qolgani haqida bayonot bergan edi.
Shundan so‘ng olgan jarohatlari tufayli ash-Shishaniy klinik o‘lim holatiga tushib qolgani, sun’iy nafas apparatiga ulab qo‘yilgani xabar berilgan edi .
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Batafsil | Подробно | Read more... Daryo