Rossiya Eronni neft qazib chiqarishni kamaytirishga ko‘ndirolmadi

Eron bozorni barqarorlashtirishga qaratilgan yirik ishlab chiqaruvchilar bilan kelishuv doirasida neft qazib chiqarishni ko‘paytirishi mumkin. Bu haqda Rossiya energetika vaziri Aleksandr Novak Eron neft vaziri Bijon Nomdor Zangane bilan muzokaralari yakunidan so‘ng ma’lum qildi, deya xabar beradi “RBK”.

Novak va Zangane. Foto: AP

“Yirik neft ishlab chiqaruvchilar bir-biri bilan o‘zaro kelishuvga erishishi kerak. Biroq Eron sanksiyalar amalda bo‘lgan paytda qazib chiqarishni kamaytirgani sababli biz uning dunyo bozoridagi ulushini tiklashga bo‘lgan intilishini to‘liq tushunib turibmiz”, — deya ta’kidlagan Novak.
Shu yil fevral oyida Rossiya va OPEKga a’zo uch davlat —Saudiya Arabistoni, Venesuela va Qatar, agar boshqa yirik eksportchilar ham bunga qo‘shilsa, neft ishlab chiqarishni yanvar oyi hajmida muzlatish to‘g‘risida kelishuvga erishgandi . Keyinchalik Novak bu kelishuvni dunyodagi neft eksportining 73 foizi to‘g‘ri keladigan 15 mamlakat ham qo‘llab-quvvatlashini bildirdi. Biroq Eron mazkur bitimga qo‘shilishdan bosh tortdi va buni 2016-yil boshida olib tashlangan xalqaro sanksiyalardan so‘ng bozorlardagi o‘rnini tiklashi lozimligi bilan izohladi.
Hozirgi kunda Eron kuniga 1,4 million barrel neft eksport qilmoqda va bu ko‘rsatkichni uch oy davomida 2 million barrelga chiqarish niyatida.
Batafsil | Подробно | Read more... Daryo