“Al-Qoida” Kot-d’Ivuarda sodir etilgan hujumni Fransiyadan olingan qasos deb tushuntirdi

“Al-Qoida” terrorchilik guruhining Shimoliy Afrikadagi bo‘linmasi — “Al-Qoida islomiy Mag‘ribda” Kot-d’Ivuarda turistlarga uyushtirilgan hujumni Afrikaning Sohil mintaqasida radikal guruhlarga qarshi kurashayotgan Fransiyadan olingan qasos deb tushuntirdi. Reuters agentligiga asoslanib, “RBK”ning  ma’lum qilishicha , bu haqdagi bayonot ijtimoiy tarmoqlardan birida chop etilgan.

Foto: Bloomberg

Bayonotda ekstremistlar Fransiyaga yordam berayotgan davlatlarni operatsiyadan voz kechishga chorlagan.
Ma’lum bo‘lishicha, Fransiya tashqi ishlar vaziri Jan-Mark Ayro va ichki ishlar vaziri Bernar Kaznyov mamlakatning ko‘p sonli fransuz jamoatchiligini tinchlantirib, fojia yuzasidan taftish ishlarini tezlashtirish maqsadida 15-mart kuni Kot-d’Ivuarga tashrif buyurgan.
Eslatib o‘tamiz, 13-mart kuni Kot-d’Ivuar poytaxti Yamusukroda joylashgan uchta mehmonxonaga hujum uyushtirildi. Hujum oqibatida 16 kishi halok bo‘ldi. Ular orasida to‘rt nafar fransuz ham bor.  Hujum qilganlardan olti nafari yo‘q qilindi. Terakt uchun javobgarlikni “Al-Qoida islomiy Mag‘ribda” guruhi o‘z zimmasiga oldi .
Batafsil | Подробно | Read more... Daryo