Faxritdin Umarov Navoiy viloyati hokimining birinchi o‘rinbosari etib tayinlandi

Xalq deputatlari Navoiy viloyati Kengashining navbatdan tashqari o‘n ikkinchi sessiyasida Faxritdin Samatovich Umarov Navoiy viloyati hokimining ma’muriy masalalar, huquqni muhofaza qilish organlari faoliyatini muvofiqlashtirish, o‘zini o‘zi boshqarish organlari va yoshlar siyosati bo‘yicha birinchi o‘rinbosari etib tasdiqlandi. Bu haqda Navoiy viloyati hokimligining rasmiy sayti orqali xabar qilindi .

Foto: Navoiy viloyati hokimligi matbuot xizmati

Sessiya ishida O‘zbekiston Respublikasi Bosh vaziri o‘rinbosari F. Ibragimov hamda O‘zbekiston Respublikasi Prezidenti Devoni mas’ul xodimi M. Xodjayev, shuningdek, viloyat hokimi o‘rinbosarlari, guruh rahbarlari, kotibiyat mudirlari, shahar-tuman hokimlari, huquqni muhofaza qiluvchi organlar, nodavlat-notijorat tashkilotlari, korxona va tashkilot rahbarlari hamda ommaviy axborot vositalari vakillari qatnashdi.
Sessiyada, shuningdek, Kengash vakolatiga kiradigan masalalar bo‘yicha qabul qilingan viloyat hokimining uchta qarori ko‘rib chiqildi. Jumladan, K. Rasulovni viloyat hokimining sanoatni rivojlantirish, kapital qurilish, kommunikatsiyalar va kommunal xo‘jalik masalalari bo‘yicha, S. Hamroyevni viloyat hokimining qishloq va suv xo‘jaligi masalalari bo‘yicha hamda U. Razzoqovni viloyat hokimining iqtisodiy va ijtimoiy rivojlantirish, xizmat ko‘rsatish sohasi va tadbirkorlik masalalari bo‘yicha o‘rinbosari etib tayinlash haqidagi qarorlar tasdiqlandi.
Batafsil | Подробно | Read more... Daryo