Arsen Venger: Messi, Neymar va Suaresdan men jabr ko‘rdim, dunyo esa rohatlandi

Futbol bo‘yicha Yevropa Chempionlar Ligasining nimchorak finalida ketma-ket oltinchi bor mag‘lubiyatga uchragan “Arsenal” ustozi Arsen Venger “Barselona”ga qarshi o‘yindan qoniqqanligini qayd etib o‘tdi. Bu haqda UEFA rasmiy sayti xabar bermoqda .

Foto: Getty

Ma’lumot uchun, 16-mart, chorshanba kuni “Kamp Nou” stadionida bo‘lib o‘tgan “Arsenal”ga qarshi o‘yinda “Barselona” 3:1 hisobida g‘alaba qozondi . Londonda kechgan birinchi uchrashuvda ham Kataloniya klubi zafar quchgan edi.
“Faqatgina natija meni hayron qoldirdi. Jamoamiz men hozirga qadar ko‘rgan ajoyib uch hujumchisi bor eng yaxshi jamoa bilan o‘ynadi. Hisob tenglashganidan so‘ng ‘Barselona’ ishonchsiz o‘yin namoyish qildi. Biroq imkoniyatlardan foydalana olmadik”, — dedi Venger.
Fransiyalik mutaxassis London klubining ketma-ket olti mavsumdan buyon YeChL chorak finaliga yo‘l olmayotgani borasida ham to‘xtaldi: “So‘nggi olti yil davomida biz keyinchalik chempionlikni qo‘lga kiritgan jamoaga imkoniyatni berdik. Faqatgina ‘Monako’ bundan mustasno. Qolganlarida esa ‘Bavariya’, ‘Barselona’ kabi raqiblar bilan duch keldik”.
UEFA talqiniga ko‘ra uchrashuvning eng yaxshi futbolchisi deb Luis Suares topilgan bo‘lsada, “Arsenal” ustozi Lionel Messining harakatlariga alohida to‘xtaldi: “O‘yin sifati va futbolchilarning yaratuvchanligi borasida raqib aqlbovar qilmas kuchga ega, ayniqsa, Messi”.
“Messi butun 90 daqiqa davomida birorta ham pasda noaniq harakat qilmadi. Bundan faqat zavqlanish mumkin. Bu haqiqiy san’at! ‘Barselona’da oddiy hayotni san’at darajasiga aylantira oladigan uchta hujumchi bor. Bundan men jabr ko‘rdim, dunyoning qolgan qismi esa rohatlandi”, — deydi Arsen Venger.
Batafsil | Подробно | Read more... Daryo