O‘zbekistonlik tennischilar Jo‘rabek Karimov va Humoyun Sultonov Tashkent ITF Juniors turnirining chorak finaliga chiqdi

Kecha, 16-mart kuni Toshkent shahridagi Respublika olimpiya zaxiralari tennis maktabi kortlarida ITF turkumidagi Tashkent ITF Juniors tennis musobaqasining ikkinchi davra uchrashuvlari bo‘lib o‘tdi, deb xabar beradi “Sports.uz”.

Foto: “Sports.uz”

Musobaqaning birinchi raketkasi sifatida e’tirof etilgan o‘zbekistonlik Jo‘rabek Karimov ikkinchi davrada belaruslik Aleksandr Leonenkoga qarshi kortga chiqdi va 6:2, 6:2 hisobida g‘alaba qozonib, chorak final yo‘llanmasiga ega bo‘ldi.
Yana bir o‘zbekistonlik tennischi Humoyun Sulotonov fransiyalik Kleman Taburga qarshi bahs olib bordi. Ushbu o‘yinda O‘zbekiston vakili 6:1, 6:2 hisobida qiyinchiliksiz g‘alaba qozonib, chorak finalga chiqdi.
Eslatib o‘tamiz, birinchi davrada Jo‘rabek Karimov Janubiy koreyalik Yongseok Jongni 6:2, 6:0 hisobida, Humoyun Sultonov esa britaniyalik Lyuis Nyumanni 6:1, 6:3 hisobida mag‘lubiyatga uchratgan edi .
16-mart. Tashkent ITF Juniors (G2). 2-davra natijalari
Jo‘rabek Karimov (O‘zbekiston, 1) – Aleksandr Leonenko (Belorus) – 6:2, 6:2
Humoyun Sultonov (O‘zbekiston, 2) – Kleman Tabur (Fransiya) – 6:1, 6:2
Sharobiddin Abzalov (O‘zbekiston) – Ben Dreyper (Buyuk Britaniya) – 4:6, 2:6
Amal Sultanbekov (O‘zbekiston) – Jek Molloy (Buyuk Britaniya) – 1:6, 2:6
Elister Grey (Buyuk Britaniya, 4) – Sergey Ksenzov (Rossiya) – 6:4, 6:2
Mixail Sokolovskiy (Rossiya, 5) – Dxruf Sunish (Indiya) – 7:5, 6:7(6), 6:1
Finn Bass (Buyuk Britaniya, 6) – Ilgiz Valiyev (Rossiya) – 7:6(4), 6:2
Rudolf Mednis (Latviya, 7) – Jeyms Devis (Buyuk Britaniya) – 6:4, 6:2
Batafsil | Подробно | Read more... Daryo