Toshkent ko‘chalarining umumiy masofasi 40 foizga uzaytiriladi

O‘zbekiston poytaxtidagi yo‘llarning umumiy uzunligi, Toshkent halqa avtomobil yo‘lini hisobga olmaganda, kelajakda hozirgi 630 kilometrdan 879 kilometrgacha yoki qariyb 40 foizga oshiriladi. Bu haqda “Narodnoye slovo” gazetasiga bergan intervyusida Toshkent me’morchilik va qurilish bosh boshqarmasi boshlig‘i vazifasini bajaruvchi Rustam Rahmatullayev ma’lum qildi, deb yozadi “Gazeta.uz”.

Foto: “Gazeta.uz”

Ushbu raqam yo‘llar turli qavatlarda o‘tadigan transport chorrahalari qurishni o‘z ichiga oladi. Xususan, Sebzordagiga o‘xshash chorrahalarni Bunyodkor va Muqimiy ko‘chalari (“Novza” metro bekati, sobiq “Hamza”), shuningdek, Ohangaron shossesi va Toshkent halqa avtomobil yo‘li (“Rohat” aylanasi) kesishgan joylarda qurish rejalashtirilmoqda.
U aniq muddatlar haqida gapirmadi. Nashr ta’kidlashicha, “Rohat” aylanasidagi chorrahani qurish shu yilga belgilangan.
Batafsil | Подробно | Read more... Daryo