“Sport” telekanali Filippin — O‘zbekiston uchrashuvini jonli efirda namoyish etadi

Bugun, 8-sentabr kuni 2018-yilgi jahon chempionatining ikkinchi saralash bosqichi 4-turi doirasida O‘zbekiston Filippin mehmoni bo‘ladi.

Foto: atelier.net

Uchrashuv Bokayu Siti shahridagi “Philippine Sports Stadium” arenasida bo‘lib o‘tadi.
Oldinroq O‘zbekiston milliy teleradiokompaniyasi ushbu o‘yinni namoyish etish imkonini izlayotgani haqida xabar bergandik . “Daryo”ning televideniyedagi manbasining ma’lum qilishicha, uchrashuv jonli efirda namoyish qilinadi.
Ayni vaqtida “Sport” telekanali orqali uchrashuv anonsi berib borilmoqda. Lekin O‘zbekiston MTRKning rasmiy saytidagi dasturlar ro‘yxatida uchrashuv bo‘lib o‘tadigan vaqtda boshqa ko‘rsatuvlar qo‘yilishi ko‘rsatib o‘tilgan.
Eslatib o‘tamiz, Filippin — O‘zbekiston uchrashuvi Toshkent vaqti bilan 17:00 da boshlanadi.
Batafsil | Подробно | Read more... Daryo