AQShda Afg‘onistondagi shifoxonaning bombardimon qilinishiga aloqador 10 harbiy xizmatchi jazolandi

AQSh qurolli kuchlari qo‘mondonligi Amerika samolyoti tomonidan o‘tgan yil oktabrida Afg‘onistonning Qunduz shahridagi “Chegara bilmas shifokorlar” gumanitar tashkilotining kasalxonasi bombardimon qilinishiga aloqador bo‘lgan o‘ndan ortiq harbiy xizmatchilarni ma’muriy jazoga tortdi, deya xabar bermoqda “TASS”. Bu haqda amerikalik rasmiy shaxslar maxfiy asosda ma’lum qildi, chunki ushbu fojiaviy hodisa bilan bog‘liq tergov natijalari hozircha e’lon qilingani yo‘q.

Foto: EPA

Ularning so‘zlariga ko‘ra, “AQSh qurolli kuchlari qo‘mondonligi harbiy xizmatchilarga qarshi yuridik emas, ma’muriy choralar ko‘rishga va ularga nisbatan jinoiy ayblovlar e’lon qilmaslikka qaror qildi”.
Dastlabki tergov Qunduzdagi kasalxona xatolik tufayli hujumga uchraganini ko‘rsatgan edi, u amerikalik uchuvchilarda bo‘lgan xaritalarda belgilar aniq qo‘yilmagani uchun sodir bo‘lgan. AQSh harbiy samolyoti “Tolibon” harakati jangarilari bo‘lgan boshqa binoni o‘qqa tutishi kerak edi.
Tekshiruv natijalari yaqin kunlarda e’lon qilinishi kutilmoqda.
Eslatib o‘tamiz, “Chegara bilmas shifokorlar” tashkiloti gospitali o‘qqa tutilishi oqibatida, tashkilot ma’lumotlariga ko‘ra, 42 kishi halok bo‘lgan .
Batafsil | Подробно | Read more... Daryo