Iroq razvedkasidagilar Yevropada yana uch xudkush boshqa hujumni tayyorlayotganini aytdi

IShID terrorchilari Yevropadagi aeroportlar va temir yo‘l vokzallaridagi teraktlarni ikki oy davomida rejalashtirgan. Bu haqda Associated Press Iroq razvedkasidagi manbasiga tayanib xabar bermoqda, deb yozadi “RBK”.

Foto: Reuters

Iroq razvedkasidagi yuqori lavozimli amaldor ma’lum qilishicha, IShID teraktlarni ikki oy avval Rakkada rejalashtirishni boshlagan. U, shuningdek, “boshqa bir hujumni tayyorlayotgan uch xudkush” borligini ma’lum qildi. U tafsilotlarga to‘xtalmadi.
Manba so‘zlariga ko‘ra, iroqlik mansabdorlar yevropalik hamkasblarini terrorchilarning rejalari haqida ogohlantirgan, ammo o‘sha vaqtda Bryussel “ushbu rejalarning bir qismi bo‘lmagan”.
Eslatib o‘tamiz, 22-mart, seshanba kuni Bryussel aeroporti va metrosida sodir bo‘lgan bir necha portlash natijasida so‘nggi ma’lumotlarga ko‘ra 34 kishi halok bo‘ldi , 200 dan ziyod kishi jarohatlandi. Keyinroq IShID terrorchilik tashkiloti ushbu portlashlar uchun javobgarlikni o‘z zimmasiga oldi .
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Batafsil | Подробно | Read more... Daryo