“Roma” futbolchisi Radja Naynggolan homiylar tadbiri sabab Bryusseldagi teraktlardan omon qoldi

Futbol bo‘yicha Belgiya terma jamoasi va Italiyaning “Roma” klubi futbolchisi Radja Naynggolan Bryusseldagi portashlar qurboniga aylanishi mumkin edi. Bu haqda “Championat.com” xabar berdi .

Foto: Getty Images

“Hozir hammasi joyida. Baxtni qarangki, hozir men Antverpendaman va Bryusselga bormadim. Vaholanki, kecha tongda aynan Belgiya poytaxtida bo‘lishim kerak edi”, — dedi futbolchi.
“Hozir Antverpenda ham xavotirli holat hukmron, telefonlar ishlamayapti, erkin harakatlanish imkoni kam, yangi e’lonlar bo‘lguniga qadar bolalarni maktabdan qoldirmayapmiz. Ko‘chaga yuk bilan chiqqan har qanday odamni tekshiryapti”, — dedi Naynggolan.
“Agar homiylik tadbiri bo‘lmaganida, tongda terrorchilar hujum qilgan aeroportda bo‘lardim. Agar homiy oldidagi majburiyatlarim bo‘lmaganida edi, Rimdan to‘g‘ri Bryusselga uchardim, biroq buning o‘rniga Antverpenga keldim”, — deydi belgiyalik futbolchi.
“Menga terma jamoa mashg‘ulotlari qoldirilgani va keyingi ko‘rsatmalarni kutishimiz kerakligi haqida ma’lum qilishdi. Hozir nima bo‘lishini, Portugaliya bilan o‘yin bo‘ladimi-yo‘qmi, bilmaymiz”, — dedi “Roma” futbolchisi.
“Aeroportda portlash yuz bergani haqida xabar berishlari bilan, tez orada yana portlashlar sodir bo‘lishini taxmin qilgandim. Afsuski, haq bo‘lib chiqdim. Terrorchilar Antverpenga ham yetib kelishi mumkinligidan xavotirda edim”, — deya qo‘shimcha qildi futbolchi.
Eslatib o‘tamiz, 22-mart, seshanba kuni Belgiya poytaxtidagi aeroport va metroda kamida uchta portlash yuz berdi . So‘nggi ma’lumotlarga ko‘ra, hodisa oqibatida 34 kishi halok bo‘lgan .
Batafsil | Подробно | Read more... Daryo