Toshkent davlat iqtisodiyot universitetida o‘zbek sporti yulduzlari ishtirokida uchrashuv o‘tkazildi

2016-yil, 18-mart kuni Toshkent davlat iqtisodiyot universitetida Rio–2016 Olimpiada o‘yinlariga yo‘llanma olgan sportchilar, murabbiy va mutaxassislar bilan uchrashuv o‘tkazildi. Bu haqda “Daryo” mobil muxbiri Oybek Xosilbekov xabar berdi.

Foto: “Daryo” mobil muxbiri

Tadbirda o‘zbek futbolining taniqli namoyondalari Rustam Akramov, Mirjalol Qosimov, Shuhrat Maqsudov, FIFA referisi, xalqaro toifadagi futbol hakami Ravshan Ermatov, dzyudochilar Ramziddin Saidov, Rishod Sobirov, Boltaboy Boltayev, taekvondochilar Dmitriy Shokin, Umida Abdullayeva hamda bir guruh o‘zbek sportining yulduzlari va faxriylari ishtirok etdi.
Tadbir davomida sportchilar talabalarga o‘z faoliyatlari, sportda erishgan natijalari to‘g‘risida gapirib, yutuqlarni qo‘lga kiritishda inson qalbi tuyadigan his-tuyg‘ular haqida so‘zlab berdi. Shuningdek, tadbirda sportchilarni tantanali taqdirlash marosimi bo‘lib o‘tdi va talabalar sportchilardan dastxatlar oldi.

Foto: “Daryo” mobil muxbiri

Tadbir so‘ngida barcha sportchilar Navro‘z umumxalq bayrami munosabati bilan o‘tkazilgan aksiya uchun fotosessiyaga taklif etildi.

Foto: “Daryo” mobil muxbiri


Batafsil | Подробно | Read more... Daryo