AQSh Eronni Amerikaning yirik banklariga kiberhujumlar uyushtirishda aybladi

AQSh adliya vazirligi eronlik xakerlarni Amerikaning bir nechta banklari saytlariga va Nyu-York yaqinidagi dambaning kompyuter tizimiga hujumlar ketma-ketligini uyushtirishda aybladi, deb yozadi “RBK”. Vashington da’vo qilishicha, xakerlar bevosita Tehron rahbarligida ishlagan.

Foto: “Dcsoft.ru”

“Biz kompyuter xavfsizligi bilan shug‘ullanib, Eron hukumati, jumladan, Islom inqilobi posbonlari korpusi rahbarligida ishlaydigan kompaniyalar tomonidan yollangan yetti nafar tajribali xakerlarga qarshi ayblov aktini e’lon qildik”, — deya aniqlik kiritdi adliya vazirligi.
Washington Post yozishicha, ushbu xakerlar 2011—2013-yillarda BofA, Sun Trust, PNC, AT&T, Capital One, shuningdek, Nyu-York fond birjasi va Nasdaq birjasiga davomiy DDoS hujumlarni uyushtirgan. Natijada yuz minglab mijozlar o‘z hisoblariga onlayn tarzda kira olmay qolgan, bu o‘nlab million dollar zarar keltirgan.
Figurantlardan hech biri hibsga olinmagan, ularning barchasi hozirda Eronda. Shunga qaramay, Vashington ularni qonun bo‘yicha ta’qib etmoqchi.
Batafsil | Подробно | Read more... Daryo