JCh—2018 saralashidagi O‘zbekistonning guruhdagi raqiblari bahsida Bahrayn Yamanni mag‘lubiyatga uchratdi

Jahon chempionati—2018 va Osiyo Kubogi—2019 qo‘shma saralash turnirida O‘zbekiston milliy terma jamoasining bo‘lajak raqibi Bahrayn Yamanga qarshi o‘yinda yirik hisobda zafar quchdi.

Foto: Qatar futbol assotsiatsiyasi

Uchrashuvning 32-daqiqasida Ismoil Abdulatif penaltidan mezbonlarni hisobda oldinga olib chiqqan bo‘lsa, ikkinchi bo‘limda Yaman termasi yana ikkita gol o‘tkazib yubordi — 3:0. Tomonlarning birinchi davra doirasida Doha shahrida bo‘lib o‘tgan o‘yinida Bahrayn 4:0 hisobida muvaffaqiyat qozongandi.
Bahrayn — Yaman — 3:0 (1:0)
Gollar: Ismoil Abdulatif, 32-pen (1:0). Abdulvahob Al-Malud, 64 (2:0). Muhammal Ar-Rumaiy, 90+1 (3:0).
Mazkur g‘alabadan keyin Bahrayn terma jamoasi ochkolari sonini 9 taga yetkazib, “H” guruhida 3-o‘ringa ko‘tarilib oldi. 7 ta o‘yinda 18 ochko jamg‘argan O‘zbekiston milliy terma jamoasi guruhda karvonboshilik qilayotgan bo‘lsa, KXDR 16 ochko bilan 2-o‘ringa joylashgan.
29-mart, seshanba kuni KXDR Manilada Filippin mehmoni bo‘ladi. Toshkent shahrida esa O‘zbekiston va Bahrayn terma jamoalari o‘zaro hisob-kitob qiladi.
9-turga qadar O‘zbekiston terma jamoasi o‘z guruhida 2-o‘rinda borayotgan jamoalar orasida yaxshiroq natija ko‘rsatishga harakat qilib kelayotgandi. Samvel Babayan jamoasi guruh peshqadamiga aylangach, endilikda KXDR termasi bu muammo qarshisida qoldi. Ayni paytda koreyaliklar o‘z guruhida 2-o‘rinda borayotgan jamoalar ichida to‘rtinchi bo‘lib turibdi.


O‘zbekiston terma jamoasi Filippin bilan o‘yinda muhim uch ochkoni qo‘lga kiritdi


 
Batafsil | Подробно | Read more... Daryo