Suriya armiyasi qadimiy Palmira qo‘rg‘onini IShID qo‘lidan ozod etdi

Suriya armiyasining hukumat qo‘shinlari IShID jangarilaridan Palmira shahri qo‘rg‘onini olib qo‘ydi, deb yozadi “Vedomosti” Suriya davlat televideniyesiga tayanib.

Foto: IBTimes

Suriya telekanallaridan biridagi o‘z ismini oshkor qilmagan manba IShID terrorchilari qo‘rg‘on uchun olib borilgan jang chog‘ida og‘ir yo‘qotishlarga uchraganini aytdi.
Livanning “Al-Mayadin” telekanali ma’lumotiga ko‘ra, hukumat qo‘shinlari 25-mart, juma kuni, shuningdek, Palmira va IShIDning boshqa tayanchi — Al-Karyatayn shahri o‘rtasidagi yo‘lni kesib qo‘yishga muvaffaq bo‘lgan. OAV ta’kidlashicha, shu tariqa, ular jangarilarning Suriya markazidagi pozitsiyasini ancha susaytirgan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Batafsil | Подробно | Read more... Daryo