Rossiya harbiy samolyotlari Palmira yaqinidagi hujumlarni qo‘llab-quvvatlash uchun 41 ta parvozni amalga oshirdi

22—24-mart kunlari Rossiya harbiy-kosmik kuchlari samolyotlari Xoms provinsiyasidagi Palmira hududida Suriya qo‘shinlari hujumlarini qo‘llab-quvvatlash va IShID jangarilariga zarba berish uchun 41 marta parvozlarni amalga oshirdi. Bu haqda Rossiyaning Suriya hududida tomonlarni yarashtirish markazi boshlig‘i general-leytenant Sergey Kuralenko ma’lum qildi, deb yozadi “TASS”.

Foto: “TASS”

“Ushbu xatti-harakatlar natijasida Rossiya aviatsiyasi terrorchilarning 146 ta obyekti, shu jumladan, boshqaruv punktlari, o‘q-dori omborlari, artilleriya qurilmalari, tank va avtomobil texnikasini yo‘q qildi”, — dedi u.
Eslatib o‘tamiz, avvalroq Suriya armiyasining hukumat qo‘shinlari IShID jangarilaridan Palmira shahri qo‘rg‘onini olib qo‘ygani xabar berilgan edi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Batafsil | Подробно | Read more... Daryo