Pentagon: AQShning IShIDga qarshi operatsiyasi jadallashmoqda

Amerikaning IShID terrorchilik guruhiga qarshi qaratilgan operatsiyasi jadallashmoqda. Bunday fikrni AQSh mudofaa vaziri Eshton Karter bildirdi, deb yozadi “TASS”.

Foto: “Gazeta.ru”

“Ushbu kampaniyadagi harakatlantiruvchi kuch biz tomonimizda ekanligi ravshan, — deya ishonch bildirdi AQSh harbiy muassasasi rahbari. — Biz, shubhasiz, sur’atimizni oshirmoqdamiz va bu IShIDga ta’sir o‘tkazayotganini ko‘ryapmiz. Biz guruhga berilayotgan zarbalar kuchini ko‘paytirmoqdamiz”.
Shuningdek, u Iroq va Suriyadagi voqea joylarida AQSh hamkorlik qilayotgan kuchlar ham mustahkamlanishda davom etayotganini qo‘shimcha qildi.
AQSh Shtab boshliqlari qo‘mitasi rahbari general Danford ham IShIDga qarshi operatsiyalar sur’ati tezlashganini ta’kidladi. Uning aytishicha, buni guruh Iroq va Suriyada avvalroq qo‘l ostida tutib turgan hududlar ustidan nazoratini yo‘qotayotgani ham tasdiqlamoqda.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Batafsil | Подробно | Read more... Daryo