Rossiya harbiy-kosmik kuchlari bir sutkada Palmiraga 40 ta parvozni amalga oshirdi

Rossiya harbiy-kosmik kuchlari bir kecha-kunduzda Palmira hududiga 40 marta parvozlarni amalga oshirdi, deya xabar bermoqda “RBK” Rossiya mudofaa vazirligi bazasidagi Suriyadagi dushman tomonlarni yarashtirish markaziga tayanib. Ular IShID terrorchilik tashkiloti jangarilarining 117 ta nuqtalariga zarbalar berdi.

Arxiv. Foto: “RIA Novosti”

Parvozlar natijasida 80 terrorchi, shuningdek, jangarilarning 8 ta boshqaruv punkti va 12 ta tayanch punkti yo‘q qilindi. Bundan tashqari, Rossiya HKK samolyotlari ikkita tank, uchta artilleriya qurilmasi, sakkizta avtomobil texnikasi va oltita o‘q-dori omborini yo‘q qilishga muvaffaq bo‘ldi.
Eslatib o‘tamiz, avvalroq Suriya armiyasi jangchilari va xalq qo‘shinlari otryadlari Palmira shahrini to‘liq ozod etgani xabar berilgan edi .
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Batafsil | Подробно | Read more... Daryo