“Lokomotiv” va “Nasaf” O‘zbekiston Kubogi nimchorak finalini yirik g‘alaba bilan boshladi

Dam olish kunlari futbol bo‘yicha O‘zbekiston Kubogi nimchorak final dastlabki uchrashuvlari bo‘lib o‘tdi. Bu haqda “Championat.asia” xabar bermoqda .

Foto: lokomotiv.uz

Mamlakat kubogining amaldagi sohibi “Nasaf” Farg‘onaga safar qilib, “Neftchi”ni yirik — 4:1 hisobida mag‘lub etdi. Turnir favoritlaridan yana biri hisoblangan Toshkentning “Lokomotiv” klubi esa “O‘zDongJu” maydonida xuddi shu hisobda g‘alabaga erishdi.
Sergey Lushchan boshqaruvidagi “Bunyodkor” poytaxt derbisida “Obod” bilan 2:2 hisobida durang o‘ynagan bo‘lsa, “Paxtakor”ning “Buxoro”ga qarshi o‘yini noma’lum muddatga qoldirilgan. “Paxtakor” ishtirokidagi bellashuvning qoldirilgani haqida ma’lumot bergan PFL rasmiy sayti buning sababini ma’lum qilmagan.
Qayd etish kerak, klubning 5 nafar futbolchisi milliy terma jamoa yig‘inida bo‘lib turibdi. Musobaqalar reglamentiga ko‘ra, milliy va olimpiya terma jamoasiga 5 ta futbolchisini taqdim etgan klub shu vaqtga to‘g‘ri kelib qolgan o‘yinini boshqa muddatga qoldirishni so‘rab, PFLga murojaat qilishi mumkin.
O‘zbekiston Kubogi
Nimchorak final, dastlabki uchrashuvlar
25-mart, juma
“Navbahor” (Namangan) — “Qo‘qon—1912” (Qo‘qon) 0:1
Gol: Otabek Zokirov, 69 (0:1).
Noaniq penalti: Oleksandr Pishur, 18 (N).
“Metallurg” (Bekobod) — “Olmaliq” (Olmaliq) 1:0
Gol: Farhod Namozov, 80 (1:0).
“O‘zDongJu” (Andijon) — “Lokomotiv” (Toshkent) 1:4
Gollar: Kaxi Maxaradze, 37 (0:1). Shahboz Jumaboyev, 44 (1:1). Temurxo‘ja Abduxoliqov, 68 (1:2). Sardor Mirzayev, 78-pen (1:3). Quvondiq Ro‘ziyev, 89 (1:4).
“Mash’al” (Muborak) — “So‘g‘diyona” (Jizzax) 1:1
Gollar: Zafar To‘rayev, 23 (1:0). Shahzod Karimov, 86 (1:1).
“Qizilqum” (Navoiy) — “Andijon” (Andijon) 2:2
Gollar: Nemanya Yovanovich, 7 (0:1). Sherali Jo‘rayev, 33 (1:1). Bahriddin Vahobov, 45+1 (2:1). Islombek Isoqjonov, 51 (2:2).
26-mart, shanba
“Neftchi” (Farg‘ona) — “Nasaf” (Qarshi) 1:4
Gollar: Azamat Allaniyozov, 10 (0:1). Erkin Boydullayev, 15 (0:2). Abbos Mahstaliyev, 24 (1:2). Azamat Allaniyozov, 64 (1:3). Bahrom Abdurahimov, 79 (1:4).
“Obod” (Toshkent) — “Bunyodkor” (Toshkent) 2:2
Gollar: Bahodir Nasimov, 33 (0:1). Shohruz Norxonov, 36 (1:1). Bahodir Nasimov, 62 (1:2). Akbar Xo‘jayev, 63 (2:2).
Batafsil | Подробно | Read more... Daryo