Apple iPad uchun yangi iOS’da o‘z xatolarini tuzatdi

Apple iPad 2 planshet kompyuterlari uchun iOS 9.3 mobil operatsion tizimining (OT) yangilangan versiyasini chiqardi. Shuningdek, OTni o‘rnatishda muammoga duch kelgan foydalanuvchilar uchun maxsus sahifa ochildi. Bu haqda “RBK” xabar berdi . 

Foto: “Yugopolis”

iPad 2 egalari iOS 9.3 ustidan Apple 21-mart kuni yangi mahsulotlari taqdimotini o‘tkazgan kunning ertasidan boshlab shikoyat eta boshlagandi. Ular OT yangilanishini o‘rnatganidan so‘ng planshetni faollashtirish talab etiladi, biroq aynan shu bosqichda muammolar tug‘ila boshlagan: qurilma foydalanuvchiga Apple serveriga bog‘lanishning imkoni yo‘qligini bildirib, ishlamay qolardi. 
Planshet egalari uchun ko‘rsatmalar sahifasida Apple muammo yechimini taklif etadi. iPad 2 uchun yangilangan iOS 9.3 o‘rnatilgandan so‘ng qurilma risoladagidek ishlay boshlashi kerak. Shu bilan birga, OT xatosidan jabrlanganlar kompyuterga ulanmay turib, yangilangan versiyani joylashtirib olishi amri mahol. Agar foydalanuvchida kompyuter bo‘lmasa, Apple o‘zining xos do‘konlarida tizimni qayta o‘rnatish xizmatini taklif qiladi.
Batafsil | Подробно | Read more... Daryo