Misrning A-320 samolyotini garovga olgan shaxs ushlandi

Misrning Egypt Air kompaniyasiga tegishli A-320 yo‘lovchi laynerini garovga olgan shaxs ushlandi. Bu haqda, Kipr tashqi ishlar vazirligining Twitter’dagi xabariga asoslanib, Meduza yozmoqda .

Foto: EPA

Shuningdek, bortda qolgan yo‘lovchilar va ekipaj a’zolari samolyotni tark etgani ma’lum bo‘ldi.
Ilgariroq laynerni garovga olgan shaxs Iskandariya va Atlanta universitetlari  professori Ibrohim Samaha ekanligi ma’lum qilingan edi . Ammo uning o‘zi bu da’volarni rad qilib, bortni boshqa yo‘lovchilar bilan birga tark etganini e’tirof etdi. Ibrohim Samahaning rafiqasi ham Misrning “ON-TV” telekanali efirida uning eri jinoyatga aloqador emasligini tasdiqladi . Kipr rasmiylari ham samolyotni garovga olgan shaxs Ibrohim Samaha emasligini e’tirof etdi .
Shundan so‘ng tashqi ishlar vazirligi asl jinoyatchining ismini oshkor qildi . Ma’lum bo‘lishicha, bu Sayf ad-Din Mustafo ismli shaxs ekan.
Batafsil | Подробно | Read more... Daryo