“Toshshahartransxizmat” rahbari Toshkentdagi avtobus yong‘inlarining sabablariga oydinlik kiritdi

Toshkent shahar hokimi tomonidan avtomobil yo‘llari, ko‘priklar qurilishi, tramvay yo‘llarini demontaj qilishga bag‘ishlangan matbuot anjumanida jurnalistlar tomonidan sohaga oid ko‘plab savollar bilan murojaat qilindi. Shunday savollardan biri poytaxtda Mercedes-Benz rusumli avtobuslarda yuzaga kelayotgan yong‘inlar sabablari va ularni oldini olish bo‘yicha olib borilayotgan sa’y-harakatlar xususida bo‘ldi, deya ma’lum qiladi “Darakchi.uz”.

Foto: “Gazeta.uz”

Mazkur savolga Toshkent shahar hokimining o‘rinbosari, “Toshshahartransxizmat” AK boshqaruvi raisi Otabek Sodiqov javob berdi. 
“Avtobuslarda yong‘inlarning kelib chiqishiga asosiy sabablardan biri dvigatel qismida bosim shlankasining yorilib ketishi bo‘ldi. Buning oqibatida avtobuslarda o‘t chiqish holatlari kuzatildi. Shularni inobatga olgan holda Mercedes-Benz kompaniyasi vakillarini taklif qildik. Hukumatga tegishli takliflar kiritdik.
Endilikda Mercedes-Benz rusumli avtobuslariga ehtiyot qismlarni to‘g‘ridan-to‘g‘ri Germaniyadan olib kelishni yo‘lga qo‘ymoqchimiz. Avvallari ushbu ehtiyot qismlar o‘rnatilgan tartibda birjadan xarid qilinganligi sababli mana shunday sifatsiz ehtiyot qismlarga duch kelish va buning oqibatida ko‘ngilsiz holatlar yuzaga keldi. Ayni damda takliflar ma’qullangan, yaqin 1—2 oy ichida avtobuslar uchun barcha zaruriy ehtiyot qismlar to‘g‘ridan-to‘g‘ri Germaniyadan keltiriladi”, — deya ta’kidlagan O. Sodiqov. 
Batafsil | Подробно | Read more... Daryo