AQSh Federal savdo komissiyasi Volkswagen’ni sudga berdi

AQShning Federal savdo komissiyasi 29-mart, seshanba kuni San-Fransisko okrug sudiga Volkswagen AG’ga qarshi da’vo berdi, deb yozadi “RBK”. Germaniya avtokonserni dizel avtomobillarini ekologik toza deya reklama qilib, iste’molchilarni chalg‘itgani aytilmoqda.

Foto: “TASS”

Regulyator ta’kidlashicha, Volkswagen’ning xatti-harakatlari tufayli, amerikalik iste’molchilar “milliardlab dollar” miqdorida zarar ko‘rgan.
Volkswagen rasmiy vakili Janin Ginivan kompaniya Federal savdo komissiyasining shikoyatini qabul qilgani va amerikalik regulyatorlar bilan hamkorlik qilishda davom etayotganini ma’lum qildi.
Eslatib o‘tamiz, 2015-yil sentabr oyi oxirida Volkswagen’ning dizel dvigatellari atrofida katta mojaro kelib chiqdi. Kompaniya o‘zining 11 million avtomobiliga noqonuniy dasturiy ta’minot o‘rnatganini tan oldi.
AQSh atrof-muhit muhofazasi agentligi va Kaliforniya havo resurslari kengashi 2014—2016-yillar modellar qatoriga mansub Volkswagen, Audi va Porsche mashinalarini testdan o‘tkazish chog‘ida ko‘rsatilgan zararli tashlanmalar hajmi mazkur transport vositalaridan foydalanish paytida qayd etilganidan kam bo‘lganini aniqlagan edi .
Keyinroq AQSh adliya vazirligi Volkswagen’ni Toza havo to‘g‘risidagi qonun (Clean Air Act)ning to‘rtta bandini buzishda ayblab, sudga berdi .
Batafsil | Подробно | Read more... Daryo