Oliy Liga, 3-tur. “Bunyodkor” birinchi marta o‘z maydonida “Mash’al”ni mag‘lub eta olmadi

Bugun, 31-mart kuni Toshkentning “Bunyodkor” va Muborakning “Mash’al” klublari o‘rtasidagi o‘yin bilan futbol bo‘yicha O‘zbekiston Oliy Ligasi 3-tur uchrashuvlari boshlandi.

Foto: Championat.asia

Oliy liganing dastlabki ikki turida “Bunyodkor” yuz foizlik natija qayd etgan bo‘lsa, “Mash’al” har ikki bellashuvda ham raqiblariga imkoniyatni boy bergandi. 3-turni jamoalar golsiz durang bilan yakunlab, ochkolarni bo‘lib oldi.
“Bunyodkor” o‘z tarixida birinchi marta o‘z maydonida “Mash’al”ni yenga olmadi. Bungacha “Bunyodkor” va “Mash’al” Oliy Liga doirasida o‘zaro 16 bor uchrashgan, “Bunyodkor” FK ma’lumotiga ko‘ra , bu uchrashuvlarning 15 tasida Toshkent klubi zafar quchgan edi.
O‘zbekiston Oliy Ligasi
3-tur uchrashuvi
31-mart, payshanba
“Bunyodkor” (Toshkent) — “Mash’al” (Muborak) 0:0
Oliy Liga 3-turining qolgan yetti uchrashuvi 1—2-aprel kunlari bo‘lib o‘tadi. “Championat.asia” xabariga ko‘ra , “Sport” telekanali “Bunyodkor” — “Mash’al” o‘yinidan tashqari yana 3 ta bellashuvni — 1-aprel kuni bo‘ladigan “Lokomotiv” — “Neftchi” (to‘g‘ridan-to‘g‘ri efirda), 2-aprel sanasidagi “Metallurg” — “Sho‘rtan” va “Navbahor” — “So‘g‘diyona” uchrashuvlarini (yozib olingan holda) namoyish etiladi.
1-aprel, juma
“Buxoro” (Buxoro) — “Paxtakor” (Toshkent)
“Nasaf” (Qarshi) — “Obod” (Toshkent)
“Lokomotiv” (Toshkent) — “Neftchi” (Farg‘ona)
2-aprel, shanba
“Qo‘qon—1912” (Qo‘qon) — “Andijon” (Andijon)
“Qizilqum” (Navoiy) — “Olmaliq” (Olmaliq)
“Metallurg” (Bekobod) — “Sho‘rtan” (G‘uzor)
“Navbahor” (Namangan) — “So‘g‘diyona” (Jizzax)
Batafsil | Подробно | Read more... Daryo