Ravshan Ermatov OChL doirasidagi “Seul” — “Shandun Lunen” uchrashuvini boshqaradi

Osiyo Chempionlar Ligasi “F” guruhi 4-turidan o‘rin olgan “Seul” (Janubiy Koreya) hamda “Shandun Lunen” (Xitoy) jamoalari o‘rtasidagi uchrashuvni o‘zbekistonlik hakamlar guruhi boshqarib boradi, deb xabar beradi O‘zbekiston futbol federatsiyasi matbuot xizmati.

Foto: O‘FF matbuot xizmati

Ushbu o‘yinga bosh hakam sifatida FIFA referisi, xalqaro toifadagi hakam Ravshan Ermatov tayinlandi. Unga qanotlarda Abduhamidullo Rasulov hamda Jahongir Saidov yordam beradi. Mazkur o‘yin 5-aprel, seshanba kuni Janubiy Koreyaning Seul shahrida bo‘lib o‘tadi.
OChL–2016. “F” guruhi, 4-tur
5-aprel, seshanba
“Seul” (Janubiy Koreya) – “Shandun Lunen” (Xitoy)
Bosh hakam : Ravshan Ermatov (O‘zbekiston).
Qanotlardagi hakamlar : Abduhamidullo Rasulov, Jahongir Saidov (O‘zbekiston).
To‘rtinchi hakam : Fu Chuan Xui (Singapur).
Nazoratchi : Kamikava Toru (Yaponiya).
Komissar : Umid Jamoliy (Eron).
Batafsil | Подробно | Read more... Daryo