Uzbek Tigers jamoasi Butunjahon boks seriyasi doirasida amaldagi chempionga mag‘lub bo‘ldi

Kecha, 2-aprel kuni Butunjahon boks seriyasi (WSB)ning VI mavsumidan o‘rin olgan navbatdagi bahsida O‘zbekistonning Uzbek Tigers jamoasi turnirning amaldagi chempioni, Qozog‘istonning Astana Arlans jamoasi mehmoni bo‘ldi, deb xabar beradi “Sports.uz”.

Foto: “Sports.uz”

Qozog‘istoning Ust-Kamenogorsk shahridagi “Yakkakurashlar” saroyida bo‘lib o‘tgan bellashuvlarda qozog‘istonlik bokschilar 4:1 hisobida g‘alaba qozondi. Astana Arlans jamoasi ushbu g‘alabadan so‘ng guruhda peshqadam bo‘lib oldi.
Astana Arlans — Uzbek Tigers 4:1
-52 kilogramm: Azat Maxmetov – Abrorjon Qodirov – 3:0 (30:27, 30:27, 30:27).
-60 kilogramm: Zakir Safiullin – Elnur Abduraimov. Qozog‘istonlik bokschi ma’lum sabablarga ko‘ra ringga chiqa olmadi va unga texnik mag‘lubiyat yozildi.
-69 kilogramm: Aslanbek Shaymberganov – Mahmud Gaipov 3:0 (50:45, 50:44, 50:45).
-81 kilogramm: Arman Raisbek – Shuhrat Abdullayev – 3:0 (50:45, 50:45, 49:46).
+91 kilogramm: Kamshibek Kunkabayev – Mirzohidjon Abdullayev – 3:0 (50:45, 50:45, 50:45).
Eslatib o‘tamiz, 2016-yilning 27-fevral kuni bu ikki jamoa o‘rtasidagi Toshkentda bo‘lib o‘tgan bahslarda Uzbek Tigers jamoasi 4:1 hisobida g‘alaba qozongan edi .
Batafsil | Подробно | Read more... Daryo