Poroshenko The New York Times gazetasining korrupsiya haqidagi maqolasiga keskin javob qaytardi

Ukraina prezidenti Pyotr Poroshenkoning AQShga tashrifi chog‘ida Amerikaning taniqli The New York Times gazetasi o‘z tahririy maqolasida uning siyosatini tanqid qilib chiqdi, deb yozadi “Korrespondent.net”.

Foto: EPA

Xususan, maqolada Poroshenko siyosiy manyovr imkoniyatini saqlab qolish uchun mamlakatda korrupsiya amaliyoti davom ettirilishiga imkoniyat yaratayotgani haqida yoziladi.
“Mister Poroshenko mavjud korrupsiyani o‘zi manyovr imkoniyati uchun to‘laydigan narx deb qabul qilgan, shekilli. Ammo prezident va bosh vazir shuni tushunishi kerakki, hukumat ukrainaliklar o‘z norozilik namoyishlarida talab qilgan demokratik tizimni shakllantirishni boshlamasa, Xalqaro valyuta fondi va donorlar, shu jumladan, AQSh ham korrupsiya botqog‘ini moliyalashtirishda davom etmaydi”, — deya qayd etdi nashr.
AQShga tashrifi davomida tashkil etilgan matbuot anjumanida Poroshenko ushbu maqolani izohladi va bu maqoladan xabardor ekanligini ta’kidladi.
“Aniq-ravshan izohlashni istardim: bugungi kunda Ukrainaga qarshi gibrid urush olib borilmoqda, u, jumladan, Ukraina davlatini obro‘sizlantiruvchi axborotni tarqatish mexanizmi orqali bo‘lmoqda”, — dedi prezident.
Batafsil | Подробно | Read more... Daryo